ü

Okur, okur ve o hatmettiği resâ'ilden Birer hulâsa-i hikmet yapardı; sonra gelen Gelen geçen ne kadar âşinâsı varsa tutup Mütâlaâtını söyler: Filân nasıl düşünür, Nasıl yazar, nasıl icmâl ü ictihâd eyler, Bütün bu şeyleri tekrâr ederdi...

"Ya şi'ri bir tutuyorlar hayâl-i bâtıl ile; "Benim hakikate hasr ettiğim büyük esere "Geçende -şi'r!- diyorlardı birtakım cehele..." Yolunda bir de harâretli nutk edip irâd "Şi'r değil!" diye bühtân ederdi ber-mu'tâd Hayâl ü his ile mâlî güzîde bir gazele...

Evet, bu dâr-ı hakâyıkta her eser mutlak Şikâr-ı nâhun-ı tenkîd olur; zekânın da Günün birinde bütün sânihâtı yoklanacak, Ve hep o felsefe hulyâları miyânında Hayâtının kalacaktır yegâne mâ-hasalı Hayâl ü his ile mâlî güzîde bir gazeli!..