چىڭ

چىڭى

onun, onların

① سۈپ . مۇستەھكەم ، چىداملىق ، پۇختا ، پىششىق : چىڭ رەخت . ② سۈپ . ئىچى مەلۇم بىرنەرسە بىلەن لىق تولدۇرۇلغان ؛ بوش ياكى كاۋاك ئەمەس ، لىق : ھارۋا چاقىنىڭ يېلى چىڭ . ∥ھەرقانداق چاغدا ، قورساقنى چىڭ تويغۇزۇپلا جىددىي ھەرىكەتلەرنى قىلىش ياخشى ئەمەس . ③ رەۋ . كۈچ بىلەن ، مەھكەم ، قاتتىق ، بوشاشتۇرۇپ قويماي : ئۇ خۇددى يىقىلىپ چۈشىدىغاندەكلا ، ئالدىدىكى تۆمۈرنى چىڭ تۇتۇۋالدى . ④ رەۋ . يۇقىرى ، قاتتىق ، ئۈنلۈك(ئاۋاز ھەققىدە) : تاڭمۇ ئاتتى ، كۈن چىقتى ، قول كانىيىدىن ئۈن چىقتى . كانايچىنىڭ ئاۋازى ، كۈندىكىدىن چىڭ چىقتى . ⑤ سۈپ . ياراملىق ، قولىدىن ئىش كېلىدىغان : ھەممىدىن چىڭ چىققىنى ئەنۋەر ئەپەندى بولدى . ⑥ سۈپ . قاتتىق ، جىددىي : بوۋاي يۈگۈرۈپ چىقسا ، ئىش باشقىچە . شۇ يەردىن بوۋاي توقماققا چىڭراق بۇيرۇق بېرىپتۇ . ⑦ سۈپ . ئۆز ئىشىغا پۇختا ؛ باشقىلارغا نەپ بەرمەيدىغان ، بېخىل ؛ پىششىق : ئۇنىڭ مۇنچىۋالا چىڭ ئادەم ئىكەنلىكىنى تېخى بىلمەپتىمەن . ⑧ سۈپ . دەل ، تازا ، قاق ؛ چىڭقى : مەن بۇ يەرگە ئاش ۋاقتى بىلەن كەلگەن ئادەم تا چىڭ چۈشكىچە ئۇلارنىڭ كېلىشىنى ساقلاپ تۇردۇم . ⑨ سۈپ . ھالقىلىق ، مۇھىم ؛ يامان : چىڭ يېرىگە چىقماق .  - ئىش چىڭ يېرىگە بېرىپ تاقىلىپ قالدى . ئەمدى بۇيرۇق قىلسىلا تەقسىر ، مەن بېرىپ كۆرەي ، - دېدى ئۇ .