ئىش

ئىشلار

plural

ئىشى

his, her, their

ئىشىمغا

my · to (⁨-غا⁩)

ئىشتا

in, at (⁨-دا⁩)

ئى ① ئىنسانلار تۇرمۇشىدىكى ماددىي ۋە مەنىۋى بايلىقلارنى يارىتىش مۇددىئاسىدا ئېلىپ بېرىلغان بارلىق پائالىيەت ، ئىجادىي ئەمگەك ، مېھنەت ياكى مەشغۇلات ، خىزمەت : ئەمەلىي ئىش . ئىلمىي ئىش . ئۆي ئىشى . ئىش كۈنى . ئىش ھەققى . ئىشتىن قالماق . * گەپنى ئاز سۆزلە ، ئىشنى كۆپ كۆزلە (ماقال) . * ئىش ئادەمگە باغلىق (ماقال) . ② تاپشۇرۇق ، ۋەزىپە : ئىشقا بۇيرۇماق . ③ مېھنەت نەتىجىسىدە يارىتىلغان نەرسە ، مەھسۇلات ۋە شۇ قاتارلىقلار : ئىش ئەۋرىشكىسى . ④ پائالىيەت ، مېھنەت ، مەشغۇلات ۋە شۇ قاتارلىقلارنىڭ بىرەر ساھەسى ؛ كەسىپ ، ھۈنەر : سۇچىلىق ئىشلىرى . مىللىي ئىشلار . ⑤ پائالىيەت ، مېھنەت ، مەشغۇلات ئوبيېكتى : ئىش تەقسىماتى . ئىش تەقسىم قىلماق . ⑥ زۆرۈرىيەت ، ئېھتىياج : ئۇنىڭدا مۇھىم بىر ئىشىم بار . ⑦ مۇناسىۋەت ياكى مەسئۇلىيەت : - مېنىڭ كىملىكىم بىلەن سىزنىڭ ئىشىڭىز بولمىسۇن ، - دېدى ئۇ . ⑧ بۇرچ ، ۋەزىپە : - بۇنى قىلىش مېنىڭ ئىشىم ، - دېدى ئۇ قەتئىي ھالدا . ⑨ سوت ياكى مەمۇرىي ئورگانلاردا تەكشۈرۈلۈۋاتقان مەسىلە : جىنايى ئىشلار . خىيانەتچىلىك ئىشى . ⑩ سادىر بولغان ۋەقە ، ھادىسە : بىز ئۇنىڭدىن بۇ ئىشنىڭ سەۋەبىنى سورىدۇق . ⑪ ھالەت ، ئەھۋال : ئىش چاتاق . ئىشلار قانداقراق؟ ⑫مەخپىيەتلىك : ئەدىيالنىڭ ئىچىدىن ئەركىننىڭ خىرتىلداپ يىغىلىشى ئاڭلاندى . ئەمدى ئىش ئاشكارىلىنىپ قالغانىدى . ⑬ ئامال ، ئۇسۇل ، چارە : بۇنىڭ ئىشى ئوڭاي . ⑭ ئامەت : ئىش ئوڭدىن كەلمەك . ⑮ مەقسەت ، مۇددىئا : ۋەزىر ئاتتىن چۈشۈپ ، نۇردۇن بىلەن كۆرۈشۈپتۇ ۋە : - قەيەردىن ، نېمە ئىش بىلەن كەلدىڭىز ئوغلۇم؟ - دەپتۇ ۋەزىر نۇردۇنغا . ⑯ دۇچ كېلىش ، ئالدىدا تۇرغان ياكى دۇچ كەلگەن ئىجتىمائىي ئەھۋال ، مەسىلە : بېشىغا ئىش كەلمەك . * ياز بار ، قىش بار ، ئالدىرىماڭ ، ئىش بار (ماقال) . ⑰ <فىز> بىر كۈچنىڭ جىسىمنى ئۆز يۆنىلىشى بويىچە سىلجىتىشى . ئۇنىڭ چوڭ-كىچىكلىكى تەسىر قىلغۇچى كۈچنىڭ مىقدارىنى كۈچنىڭ يۆنىلىشىدە جىسىم سىلجىغان ئارىلىققا كۆپەيتكەنگە تەڭ .