شۇ

ئال ① سۆزلىگۈچىگە يېقىن جايدىكى ياكى سۆزلىگۈچىنىڭ كۆز ئالدىدىكى ئادەم ياكى نەرسىنى كۆرسىتىش رولىنى ئوينايدۇ : - ئەمەتنىڭ دادىسى شۇ بولسا كېرەك ، - دېدى ئۇ ئالدىمىزدىن ئۆتۈپ كېتىۋاتقان كىشىنى كۆزى بىلەن ئىشارە قىلىپ . ② كېلىش قوشۇمچىلىرى بىلەن ئىسىم ۋەزىپىسىدە كېلىپ سۆزلىگۈچىنىڭ دىققەت - ئېتىبارى قارىتىلغان نەرسە ياكى ئادەمنى ئىپادىلەيدۇ : شۇنى ئالاھىدە تەكىتلەپ ئۆتۈش كېرەككى ، ئادەم ئۆز ئەمگىكى بىلەنلا قىممەتلىك . ③ كېسىم رولىدا كېلىپ «ئەنە ئاشۇنىڭ ئۆزى» ، «دەل ئۆزى» ، دېگەندەك مەنىلەرنى ئىپادىلەيدۇ : - ئاتام مازارغا شەيخ ، مەن تەييارغا شەيخ دېگەن شۇ! - دېدى پاتەمخان مەسخىرىلىك تەلەپپۇزدا . ④ ۋاقىت مەنىسىدىكى بەزى سۆزلەر بىلەن كېلىپ سۆز بولۇۋاتقان ۋەقە ، ھادىسە ياكى نەرسىنىڭ ئېيتىپ ئۆتۈلگەن ياكى كۆزدە تۇتۇلغان ۋەقە ، ھادىسە ياكى نەرسە بىلەن بىر ۋاقىتتا سادىر بولغانلىقىنى ئىپادىلەيدۇ : شۇ كەمگىچە ئۇ بىر قېتىممۇ كۆرۈنمىدى .